कुक्कुटपालन योजना: २५ माद्या व ३ नर कोंबड्यांसाठी अर्ज प्रक्रिया सुरू! वाचा सविस्तर माहिती आणि करा अर्ज!

कुक्कुटपालन योजना: पशुसंवर्धन विभागाच्या माध्यमातून वैयक्तिक लाभाच्या विविध जिल्हास्तरीय योजनांअंतर्गत आता कुक्कुटपालन व्यवसाय सुरू करू इच्छिणाऱ्यांसाठी एक उत्तम संधी उपलब्ध झाली आहे. या योजनेत लाभार्थ्यांना ८ ते १० आठवडे वयाच्या २५ माद्या आणि ३ नर कोंबड्यांचे वाटप केले जाणार आहे. यासाठी ऑनलाईन अर्ज प्रक्रिया सुरू झाली असून, इच्छुक नागरिक याचा लाभ घेऊ शकतात.

महत्त्वाची बाब: लाभार्थी निवडताना ३० टक्के महिलांना प्राधान्य दिले जाणार आहे. त्यामुळे महिला उद्योजकांसाठी ही योजना विशेषत्वाने फायद्याची ठरू शकते.

कुक्कुटपालन योजना: लाभार्थी निवडीचे निकष:

या योजनेसाठी अर्ज करणाऱ्या लाभार्थ्यांची निवड खालील निकषांनुसार केली जाईल:

१. दारिद्र्य रेषेखालील लाभार्थी असणे आवश्यक आहे. 

२. अत्यल्प भूधारक शेतकरी (१ हेक्टर पर्यंतचे भूधारक).

३. अल्प भूधारक शेतकरी (साधारण १ ते २ हेक्टर पर्यंतचे भूधारक). 

४. सुशिक्षित बेरोजगार (ज्यांचे नाव रोजगार व स्वयंरोजगार केंद्रात नोंदणीकृत आहे). 

५. महिला बचत गटातील लाभार्थी (जे वरील १ ते ४ निकषांमध्ये बसतात).

योजनेचा प्रकल्प खर्च आणि शासकीय अनुदान:

एका गटासाठी (२५ माद्या + ३ नर) अंदाजित प्रकल्प किंमत खालीलप्रमाणे आहे:

बाब	खर्च (रु.)
पक्षी किंमत	४,२००/-
खाद्यवरील खर्च	२,९४०/-
वाहतूक खर्च	५००/-
औषधी	७००/-
रात्रीचा निवारा	२,०००/-
खाद्याची भांडी	५००/-
एकूण किंमत	१०,८४०/-

सर्व प्रवर्गातील लाभार्थ्यांसाठी शासकीय अनुदान गटाच्या एकूण किमतीच्या ५० टक्के म्हणजेच रु. ५,४२०/- असेल. उर्वरित रक्कम लाभार्थीला स्वतः भरावी लागेल.

हे हि वाचा: https://ekrushinews.in/mudra-yojana-subsidy-for-business/

अर्जासोबत जोडावयाची आवश्यक कागदपत्रे:

या योजनेसाठी अर्ज करताना तुम्हाला खालील कागदपत्रे सादर करणे अनिवार्य आहे:

क्र.	कागदपत्र	अनिवार्य / असल्यास अनिवार्य
१	* फोटो ओळखपत्राची सत्यप्रत	अनिवार्य
२	* सातबारा उतारा	अनिवार्य
३	* ८ अ उतारा	अनिवार्य
४	* अपत्य दाखला / स्वयंघोषणा पत्र	अनिवार्य
५	* आधारकार्ड	अनिवार्य
६	* रहिवासी प्रमाणपत्र	अनिवार्य
७	* बँक खाते पासबुकची सत्यप्रत	अनिवार्य
८	* रेशनकार्ड / कुटुंब प्रमाणपत्र (एकाच कुटुंबातील एकाच व्यक्तीला लाभ घेता येईल)	अनिवार्य
९	* ७-१२ मध्ये लाभार्थीचे नाव नसल्यास कुटुंबाचे संमती पत्र किंवा दुसऱ्यांची जमीन भाडेतत्त्वावर करारनामा (असल्यास)	असल्यास अनिवार्य
१०	* अनुसूचित जाती/जमाती असल्यास जातीच्या दाखल्याची सत्यप्रत	असल्यास अनिवार्य
११	* दारिद्र्य रेषेखालील असल्याचे प्रमाणपत्र	असल्यास अनिवार्य
१२	* दिव्यांग असल्यास दाखला	असल्यास अनिवार्य
१३	* बचत गट सदस्य असल्यास त्याचे प्रमाणपत्र किंवा बचत गटाच्या बँक खात्याच्या पासबुकाची पहिल्या पानाची साक्षांकित प्रत	असल्यास अनिवार्य
१४	* वय-जन्मतारखेचा पुरावा सत्यप्रत	आवश्यकतेनुसार
१५	* शैक्षणिक पात्रतेचा दाखला	आवश्यकतेनुसार
१६	* रोजगार, स्वयंरोजगार कार्यालयाचे नाव नोंदणी कार्डची सत्यप्रत	आवश्यकतेनुसार
१७	* प्रशिक्षण घेतले असल्यास प्रमाणपत्राची छायांकित प्रत	आवश्यकतेनुसार

अर्ज करण्याची अंतिम मुदत:

या योजनेसाठी अर्ज करण्याची प्रक्रिया ०२ मे २०२५ पासून सुरू झाली असून, ०१ जून २०२५ पर्यंत अर्ज स्वीकारले जातील. इच्छुक लाभार्थ्यांनी या मुदतीत आपले अर्ज सादर करणे आवश्यक आहे.

अर्ज कसा करावा?

या योजनेसाठी ऑनलाईन पद्धतीने अर्ज करायचा आहे. अर्ज करण्यासाठी खालीलप्रमाणे प्रक्रिया पूर्ण करा:

• वेबसाईट: भेट द्या –https://dahd.maharashtra.gov.in/en/scheme/state-level-innovative-scheme/
• मोबाईल ॲप: गुगल प्ले स्टोअरवरून LAD Mobile App डाउनलोड करा.

ॲप किंवा वेबसाईटवर गेल्यावर:

• टॉप बारमधील अर्जदार नोंदणी या मेनूवर क्लिक करा.
• त्यानंतर अर्जदाराने आवश्यक असलेली सर्व माहिती काळजीपूर्वक भरा आणि नोंदणी पूर्ण करा.

अधिक माहितीसाठी संपर्क:

या योजनेबद्दल अधिक माहिती मिळवण्यासाठी किंवा अर्ज भरताना काही अडचण आल्यास, आपण खालील ठिकाणी संपर्क साधू शकता:

• पशुधन विकास अधिकारी (विस्तार), पंचायत समिती
• जिल्हा पशुसंवर्धन अधिकारी यांचे कार्यालय
• जिल्हा पशुसंवर्धन उपआयुक्त यांचे कार्यालय
• कॉल सेंटर: १९६२ (टोल फ्री)
• तांत्रिक मदतीसाठी संपर्क: ८३०८५८४४७८

पशुपालन व्यवसायात रुची असणाऱ्या आणि पात्रता निकष पूर्ण करणाऱ्या नागरिकांसाठी ही योजना एक चांगली संधी आहे. वेळेत अर्ज करून या संधीचा लाभ घ्या!