Ruskin Bond Birthday: भारतातील प्रसिद्ध इंग्रजी लेखक रस्किन बॉण्ड यांचा आज ९० वा वाढदिवस आहे. उत्तराखंडच्या पर्वतीय सौंदर्यात राहणारे रस्किन बॉण्ड हे आपल्या हृद्यस्पर्शी कथांसाठी ओळखले जातात. त्यांच्या लेखनातून हिमालयाच्या पर्वतरांगा, नद्या, जंगलं आणि छोटी गावं जिवंत होऊन वाचकांसमोर येतात. त्यांच्या कथांमध्ये प्राणी, पक्षी आणि माणसांमधील नातंही सहजतेने जाणवते.
बालसाहित्याचे सुवर्णपान:
रस्किन बॉण्ड यांनी विशेषतः बालवाङ्मयात अमूल्य योगदान दिले आहे. त्यांच्या ‘रूम ऑन द रूफ’ आणि ‘द ब्लू अंब्रेला’ या कथा अनेक पिढ्यांच्या वाचकांच्या मनात घर करून आहेत. सोप्या पण अर्थपूर्ण भाषेत लिहिलेल्या या कथांमध्ये मैत्री, प्रेम, निसर्गाशी असलेला बंध आणि जीवन मूल्ये यांचे सुंदर वर्णन आढळते. मुलांना वाचनीय आणि मोठ्यांना आल्हाददायक अशा कथा लिहिण्याची त्यांची हातोटी वाखाणण्याजोगी आहे.
पुरस्कार आणि सन्मान:
रस्किन बॉण्ड यांच्या साहित्यकृतीला त्यांच्या कारकीर्दीत अनेक पुरस्कार मिळाले आहेत. त्यापैकी ‘जॉन लेव्हलिन रेज पुरस्कार’ आणि भारत सरकारचा ‘पद्मश्री’ हा सन्मान उल्लेखनीय आहे.
रस्किन बॉण्ड यांच्या 90 व्या वाढदिवसाच्या निमित्ताने त्यांना हार्दिक शुभेच्छा! त्यांच्या लेखणीने वाङ्मयाच्या क्षेत्रात आणखी भरभराट करो आणि वाचकांना सुंदर कथांचा आस्वाद घेऊ द्या, अशी वाचकांची अपेक्षा आहे.
Indian 2: ‘इंडियन 2’ रिलीज डेटमध्ये पुन्हा बदल! या तारखेला रिलीज होण्याची शक्यता!